نيابة غرب الإسكندرية تقرر حبس صبرى نخنوخ 4 أيام على ذمة التحقيقات

الجمعة، 24 أغسطس 2012 - 11:02 م

صبرى نخنوخ

الإسكندرية – هناء أبو العز

قرر المستشار عبد الجليل حماد، المحامى العام الأول لنيابات غرب الإسكندرية، حبس "صبرى حلمى نخنوخ" والحارس الخاص به، 4 أيام على ذمة التحقيقات بتهمة حيازة وإحراز أسلحة نارية ومواد مخدرة وممارسة أعمال البلطجة وتسهيل أعمال دعارة، كما أمرت بحجز باقى المتهمين وعددهم 16 متهماً، الذين تم القبض عليهم فجر اليوم، فى فيلا "نخنوخ" أشهر بلطجى بشارع الهرم.

كما قرررت النيابة ندب إدارة الحجر البيطرى بالكشف عن الأسود والكلاب المختلفة التى تم ضبطها وتوقيع الكشف الطبى عليها، ووضعها تحت التحفظ، وكذلك ندب الأدلة الجنائية بمديرية أمن الإسكندرية لفحص الأسلحة المضبوطة والذخائر، كما أمر بإرسال الحشيش للمعمل الجنائى وإيداع المبالغ النقدية فى خزينة المحكمة وإرسال المضبوطات الذهبية والساعات لفحصها.

كانت مباحث الإسكندرية قد ألقت القبض على صبرى نخنوخ (49 سنة)، أشهر بلطجى بشارع "الهرم"، فجر أمس داخل قصره بمنطقة كينج مريوط بالإسكندرية، وتحفظت عليه داخل مديرية الأمن تحت حراسة مشددة، ووجهت له تهمة البلطجة.

موضوعات متعلقة:

القبض على صبرى نخنوخ أحد أشهر البلطجية داخل فيلته بالإسكندرية

تعليقات (10)

1

شريك صبرى نخنوخ وزراعة الايمن ....

بواسطة: محمد العدوى

بتاريخ: الجمعة، 24 أغسطس 2012 11:28 م

هناك شريك البلطجى صبرى نخنوخ وهو معلوم جدا جدا لدى رجال الامن وهو شخص اسمة خالد احمد على الشهير بخالد السماك ومقيم فى المهندسين شارع محى الدين ابو العز وهومدير كازينو رمسيس بشارع الهرم هذا الشخص بيتاجر فى السلاح علنا والمخدرات ولة نفوذة وقام باطلاق النار اكثر من مرة فى شارع محى الدين واستولى على اشياء كثيرة ومعة بلطجية عددهم كبير ...ارجو عمل تحريات المباحث عنة وهو مقيم فى نفس العمارة التى كان يسكن فيها صبرى نخنوخ بمحى الدين ابو العز معلومات اكيييييييدة

2

البلطجية

بواسطة: عبد الرحمن المصري

بتاريخ: الجمعة، 24 أغسطس 2012 11:30 م

عندي سؤال للداخلية إيه اللى خلاه أشهر بلطجي وسابوا هو غيره لما بقا كدا وايه اللى خلاه بيمتلك مرة تقولوا فيلا ومرة تقولو ا قصر بجنج مريوط وايه اللى خلاه عندة كل الأسلحة دي والخمسة أسود كيف أدخلهم لمصر أو جابهم منين وبيعمل بيهم ايه كانت فين الداخلية لما بقا كدا هو الداخلية بتفرح قوي لما بيذاع فلان مسجل خطر نوع كذا وعنده كذا سابقة طيب ليه التعامل بتراخي وبالقانون مع أمثال هؤلاء بيتوحشوا ويغولوا يا ريت نجتث الفساد من جذوره ولو عندنا مليون بلطجي واتعدموا هيعيش باقي ال85 مليون بأمان مثل قطع العضو الفاسد ليشفى الجسد كله يا ريت يا سابع تنشر وتنقل كلامي للداخلية والقضاء وشكرا

3

عقبال حدائق القبة ــ القاهرة

بواسطة: اسلام الشاطر

بتاريخ: الجمعة، 24 أغسطس 2012 11:32 م

بلطجية حدائق القبة وتجار المخدرات بها استولوا على اراضى التنظيم التى لايجوز البناء عليها فى ميدان حدائق القبة وبنوا عليها بمساعدة رجال قسم حدائق القبة وبنوا 13 دور انظر من اى مكان من ميدان حدائق القبة ترى هذه العمارات الشاذة تخرم عين من يراها وكأنها تحت الارض ويغلقون الطرق اثناء البناء ويسرقون الكهرباء والمياه وكأنه لايوجد دولة بحجة انهم تظلموا من قرار الهدم تظلموا من ماذا ياسيدى دا تضيع للوقت لتصعيب المشكلة دى ارض تنظيم عارف يعنى ايه تنظيم يعنى هبة الدولة يعنى ممكن يأتى ويبنى فى الشوارع العمومية ارجوكم حافظوا على هيبة الدولة لاتحبطونا وتشعرونا وكأنه انتهت الدولة انظر من اى مكان فى ميدان الحدائق وترى عمارات 13 دور ومن امام القصر وللعم كلهم من بقايا الحزب الوطنى القديم باجرامهم والله يغلقون الطرق نهاراً جهاراً وكأنهم يبنون فى جبل وليس امام القصر الجمهورى

4

المنيا

بواسطة: يحيى

بتاريخ: السبت، 25 أغسطس 2012 01:02 ص

والله دا راجل يستحق وسام شرف

5

لكل جواد كبوة

بواسطة: فريد شوقى

بتاريخ: السبت، 25 أغسطس 2012 11:51 ص

ربنا يخرجك من الازمة دى بسلامة ان شاء الله

6

أقول لكل بلطجى: واتقوا يوما" ترجعون فيه الى الله

بواسطة: احمد عبد اللطيف الشهير بـ احمد السقا

بتاريخ: السبت، 25 أغسطس 2012 12:00 م

زمان كان يقال المثل " دائن تدان " و " دوام الحال من المحــال " والزمان والعصر الحالى يدل على صدق كلامى حيث ان الفساد والخارجين على القانون يسقطون تلو الاخر
اللـــــــــــه اكبــــــــــــــر وللــــــــه الحمــــــــــــــد

7

why that all

بواسطة: فاعل خير

بتاريخ: السبت، 25 أغسطس 2012 12:14 م

انا كنت بسمع عن صبري نخنوخ من زمان واشوف ناس بتحيية كنت بقول بيني وبين نفسي مين دا ؟(بكل انبهار) مكنتش اعرف ان اللي بيبقي معاه فلوس بغض النظر عن مصدرها حتي ولو كانت من دم الناس الغلابة هو بيكون سيد الناس وبيتقدر من طوب الارض؟ صدقوني طول مافية حياة هيكون دايما فية خير وفية شر اللي هيفصل دا عن دا مدي قوة الايمان اللي بقلوبنا ولو فضلنا دايما متذكرين ربنا في قلوبنا وانة مهما سترها معانا في اشياء غلط قدرنا نهرب بيها من عيون العبد الضعيف فنتاكد ان غضب ربنا اشد وابقي لو استمرينا بالغلط . يعني ياريت نصحي قلوبن بوجود قدرة الخالق الذي لاينام وان احنا مهما جمعنا فلوس من الحرام صدقوني متاعها قليل وعقابها اشد.

8

بلطجية الوراق

بواسطة: karim sayed

بتاريخ: السبت، 25 أغسطس 2012 01:59 م

بلطجية الوراق وهم عيال الصول يتجرون بالسلاح والمخدرات وتعرض للناس واخذ التوات نريد من الشرطة سرعة القبض عليهم بعد اصابة الناس اول ايام العيد وهم يطلقون النار فرحتن بالعيد في ش\الابحاث كما شهد بالفيديو علي youtube

9

بلطجى

بواسطة: الدير

بتاريخ: الأحد، 26 أغسطس 2012 04:15 م

هل تم القبض على بلطجى الدير ناصر ابو جوده

10

أحنا فى زمن الوحوش

بواسطة: mohy

بتاريخ: الإثنين، 27 أغسطس 2012 05:36 م

على العموم البلطجية موجودة فى كل مكان ومش دة الموضوع اللى شدنى لنخنوخ باشا طيب ها تسألنى ليه باشا
1 - جاب الأسود منين واحنا ما عندناش غابات
2 - هل فى اى دولة فى العالم ان ممكن الواحد يربى حيوانات مفترسة فى بيتة و بالعدد الكبير ده ولا دى حالة خاصة جدا جدا جدا
3 - هل هو مدرب اسود و بيشتغل فى السيرك بالنهار وبالليل بلطجى
4 - فين الشرطة لما نخنوخ باشا بقى كبير البلطجية ولا دة بقى منصب فى الدولة
5 - طيب ازاى نخنوخ بعد بالطعامه دى وانه مش مسجل
6 - ولا أقول كده كفاية لحين الرد على أسئلتى
وشكرا لحسن تعاونكم معنا
زمن الوحوش حوش يارب حوش

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة