منى سيف: الأمن نقل شقيقىّ علاء وسناء لزيارة والدى بالعناية المركزة

قالت منى سيف الناشطة السياسية، إنه تم السماح لشقيقيها علاء وسناء عبد الفتاح بزيارة والدهما فى العناية المركزة بعد تعرضه لأزمة قلبية أول أمس.

وكتبت منى سيف عبر صفحتها على موقع التواصل الاجتماعى فيسبوك: "إمبارح الظهر بابا تعب وقلبه توقف لمدة دقايق cardiac arrest، عملوله إنعاش وقلبه رجع اشتغل لكن من ساعتها بابا فاقد للوعى ومنعرفش فى الدقايق اللى اتحرم منها المخ من الأكسجين إيه كم الضرر اللى حصله".

وأضافت "حاولنا ما نتكلمش كتير عن الموضوع لأن من حوالى 10 أيام قدمنا طلب للنائب العام للتصريح بزيارة من علاء ومن سناء لبابا فى العناية المركزة وكنا عايزين أقل دوشة ممكنة عشان نعلى احتمالات إن الزيارة تتم".

وتابعت منى سيف "بعد نص الليل النهاردة فعلا قوة نقلت سناء وزارت بابا فى العناية المركزة، وبعد ما مشيت بنص ساعة قوة تانية نقلت علاء لزيارته.. رغم كل الوجع بس الحمد لله إنهم شافوه".

وتوجهت منى سيف بالشكر للمحامين وأعضاء المجلس القومى لحقوق الإنسان وكل حد ساعد فى تقديم الطلبات للنيابة والسعى وراء تصريح النائب العام وموافقات الداخلية، مضيفة: "وشكرا لكل حد دعمنا ودعى لبابا ولسناء ولعلاء ولكل حد تحمل تعبنا وعصبيتنا".

واختتمت من قائلة: "ماعنديش اى فكرة بابا حالته هتوصل لفين ولسه مانعرفش امتى هيفوق وإذا كان هيفوق أصلا، بس انا متأكدة انه حاسس بينا، وبكم الحب اللى محاوطه، والدعاوى اللى بتتبعتله، ومتأكدة انه سمع سناء وعلاء وهم بيكلموه".