صورة أرشيفية
مشاركة
اضف تعليقاً واقرأ تعليقات القراء
ولأنك عايشة جوايا
ودايمًا بتكونى ويايا
يا ساكنة جوايا وفيا
يا داء وحالف
ما يدوق النوم عنيا
إلا لو كانت صورته
آخر حاجة تشوفها عنيا
يا نسمة الصيف الخفيف
وقت ما تكونى عنى راضية
يا صاحبة الوش المخيف
لو أى بنت بصت عليا
عاوز أقولك إنى بحبك
وإنى كلى أنا بتاعك
اعتبرينى كده من الآخر
كأنى خاتم فى صباعك
أصل اللى يلاقى ملاك وميحبوش
يبقى جاهل
بس يا ريت قلبك يوعدنى
وميخلفش فى وعده
أو أدوق النار من بعده
يوعدنى يفضل حنين وقريب
ويقعدنى اتربع فيه جوة
وصدقينى ده مش بالقوة
مانا خليتك ملكة فى قلبى
نصبتك ملكة على حياتى
ومعاكى حقضى عمرى الآتى
بس يارب ماتنكدش عليا
أمك لما هتبقى حماتى
مشاركة
