اتطلقت أنا والسقا مرتين، بسبب الخلافات، وبحس أنى لما بقولها للناس كأنى بقول حاجة غلط، تصريحات مفاجئة تكشفها لأول مرة المذيعة مها الصغير، عن علاقتها، بزوجها النجم أحمد السقا، خلال أحد البرامج بموقع يوتيوب.
وقالت مها الصغير: "اتجوزت وأنا عندى 20 سنة، لما اتطلقنا مكنتش قادرة أستحمل الخلافات، وده كان بعد ما خلفت أولادى التلاتة، بسبب مشاكل كتير أوى أوى، فعملت وقفة لأنى كنت بسعى لإرضاء الآخر دايما لكن مبرضيش نفسى".
وتابعت مها قائلة: "معرفش ليه الراجل بيتحول بعد الجواز ، لـ سى السيد، فتتصـدمى بقى بالواقع، أنا عندى طموح زى ما أنت عندك، وعندى أحلام، ويمكن يكون ده حصل لأننا اتجوزنا صغيرين أوى".
وكشفت مها الصغير لأول مرة عن تفاصيل مرضها النادر، وقالت إنها أصيبت فى عام 2010، بمرض مناعى، يدعى "Autoimmune" ، فى الرئة وتعانى من نوبات قوية مع هذا المرض، تستدعى دخولها المستشفى، وتم تشخيصها فى المرة الأولى بالسرطان، لكنها أجرت فحوصات طبية فى لندن، واكتشفت إصابتها بهذا المرض النادر.
