تحدث يسرى نصر الله عن كواليس أعماله السينمائية، مشيرا إلى أنه لا يستطع رؤية أفلامه بعد عرضها، بسبب تغير الوقت والزمن، وأن أعماله هى نتاج وجدانه وأفكاره.
وقال خلال حلوله ضيفا على برنامج "مساء DMC" مع الإعلامى رامى رضون: "ما بقدرش أتفرج على أفلامى بيبقى فيه إحساس غريب، لأنه بياخد على الأقل سنتين أو 3 سنين وبتلاقى فى الآخر ساعة ونص أو ساعتين هم نتاج الـ 3 سنين اللي كل وجدانك وتفكيرك كان منصب في دا ، إحساس غريب جدا بالزمن اللي هو أي اللي حصل واتغير، فيجيلي اكتئاب ما بعد الفيلم".
وتابع: "أغرب حاجة بالنسبة للشغلانة، إنى عايش منها، بس بستغرب إزاى أخد فلوس على حاجة بحبها للدرجة دي، لأنه معروف إن الشغل بيبقى حاجة براك، لكن دا أنا ووجداني وكل تجاربي اللي عيشتها، وعلاقتي بالعالم، دا اللي بيتحط في الفيلم".
يسري نصر الله
وكانت الدكتورة نيفين الكيلانى، وزيرة الثقافة، قد أصدرت قرارًا بتولى المخرج يسرى نصر الله، رئاسة المهرجان القومى للسينما المصرية، فى دورته الخامسة والعشرين.
وخلال لقائهما، عبر نصر الله، عن تقديره لهذه الثقة خاصة أن هذه الدورة تُمثل "اليوبيل الفضي" لواحد من أهم مهرجانات السينما، مؤكدًا أنه سوف يبدأ أول اجتماعاته مع فريق عمل المهرجان، لمناقشة تصورات الدورة المقبلة، والعمل على تطوير المهرجان، واستيعاب كل التجارب السينمائية والأفكار الجديدة، خاصة بين شباب السينمائيين.
